🌧️ पश्चिमी वायु सक्रिय: देशभर वर्षा, हावाहुरी र हिमपातको सम्भावना

पश्चिमी वायु सक्रिय भएसँगै आज शुक्रबारदेखि देशभर मौसम बदली भई वर्षा, हावाहुरी र चट्याङसहितको गतिविधि बढ्ने भएको छ। जल तथा मौसम विज्ञान विभाग का अनुसार यस प्रणालीको प्रभाव भोलि शनिबारसम्म कायम रहनेछ।
आज दिउँसोदेखि नै देशका विभिन्न भागमा बादल लाग्ने र साँझतिर हावाहुरीसहित हल्कादेखि मध्यम वर्षा सुरु हुने अनुमान गरिएको छ। विशेषगरी कोशी, बागमती र गण्डकी प्रदेशका पहाडी तथा हिमाली क्षेत्रमा यसको प्रभाव बढी देखिनेछ भने पश्चिमी क्षेत्रमा तुलनात्मक रूपमा कम प्रभाव पर्ने जनाइएको छ।
काठमाडौं उपत्यकामा पनि आज साँझदेखि मेघगर्जन, चट्याङ र हावाहुरीसहित वर्षा हुने सम्भावना रहेको छ। शुक्रबार र शनिबार दुबै दिन उपत्यकामा हल्कादेखि मध्यम वर्षा जारी रहने मौसमविदहरूले बताएका छन्।
वरिष्ठ मौसमविद बरुण पौडेल का अनुसार प्रिमनसुनको समय भएकाले यस अवधिमा हावाहुरी, चट्याङ र असिनाको जोखिम बढी हुने गर्दछ। त्यसैले सर्वसाधारण, विशेषगरी किसानहरूलाई सावधानी अपनाउन आग्रह गरिएको छ।
उच्च पहाडी तथा हिमाली भेगमा वर्षासँगै हिमपातको सम्भावना रहेको छ, जसले तापक्रम घटाई चिसो महसुस गराउनेछ। यसअघि चैत ६–७ गते सक्रिय प्रणालीभन्दा यो प्रणाली कम शक्तिशाली भए पनि छोटो समयका लागि दैनिक जनजीवनमा असर पार्न सक्ने अनुमान गरिएको छ।
आज दिउँसो कोशी, बागमती र गण्डकी प्रदेशका धेरै स्थानमा तथा अन्य प्रदेशका केही भागमा मेघगर्जन, चट्याङ, हुरी र असिनासहित मध्यम वर्षा हुने सम्भावना छ। साथै तराईका केही स्थानमा पनि वर्षा हुन सक्ने बताइएको छ।
आज राति हिमाली क्षेत्रमा अधिकांश बदली रहनेछ भने कोशी, मधेश, बागमती, गण्डकी र लुम्बिनी प्रदेशका केही स्थानमा तथा कर्णाली र सुदूरपश्चिमका पहाडी तथा हिमाली क्षेत्रमा पनि वर्षा, हिमपात र हुरीको सम्भावना रहेको छ।
मौसमको यस अवस्थालाई ध्यानमा राख्दै महाशाखाले विशेषगरी कोशी, बागमती र गण्डकी प्रदेशका पहाडी तथा हिमाली क्षेत्रमा सतर्कता अपनाउन र मौसमसम्बन्धी अद्यावधिक जानकारी लिन आग्रह गरेको छ।

🌧️ पश्चिमी वायु सक्रिय: देशभर वर्षा, हावाहुरी र हिमपातको सम्भावना

By Abiral Bhandari

अबिरल आवाज प्रा. लि.

सम्पर्क

फेसबुक पेज

सामाजिक सञ्जाल

हाम्रो टीम

विज्ञापन

सम्पर्क

🌧️ पश्चिमी वायु सक्रिय: देशभर वर्षा, हावाहुरी र हिमपातको सम्भावना

By Abiral Bhandari

सम्बन्धित पोस्टहरू