मनकामना दर्शन गरेर फर्किरहेको ईभी माइक्रो बस दुर्घटनामा पर्दा ६ जनाको मृत्यु भएको छ।
शनिबार गोरखा जिल्ला को शहीदलखन गाउँपालिका–३ कनटारमा मनकामनाबाट फर्कंदै गरेको माइक्रो बस सडकबाट करिब २ सय मिटर तल खसेको प्रहरीले जनाएको छ।
बागमती प्रदेश ००६ ख ८४३० नम्बरको उक्त माइक्रोमा १४ जना सवार रहेका थिए। दुर्घटनामा घटनास्थलमै ६ जनाको मृत्यु भएको र अन्य ८ जनालाई उद्धार गरिएको प्रहरीले जनाएको छ।
हाल घटनास्थलमा प्रहरी र स्थानीयवासीले उद्धार कार्य जारी राखेका छन्। दुर्घटनाबारे विस्तृत विवरण आउन बाँकी रहेको छ।
