भारतको शिलङमा हुने मैत्रीपूर्ण फुटबल खेलका लागि नेपाली महिला फुटबल टोलीको बिदाइ गरिएको छ । अखिल नेपाल फुटबल संघ (एन्फा)ले मंगलबार एक विशेष कार्यक्रमको आयोजना गरी टोलीलाई बिदाइ गरेको हो ।
कार्यक्रममा एन्फा अध्यक्ष पंकज विक्रम नेम्वाङलगायत पदाधिकारीले टोलीलाई शुभकामना दिँदै उत्कृष्ट प्रदर्शनको अपेक्षा व्यक्त गरे ।
नेपाली टोलीले आगामी कात्तिक ७ गते इरान र १० गते भारतसँग मैत्रीपूर्ण खेल खेल्नेछ । दुवै खेल भारतको शिलङमा आयोजना हुनेछन् । त्यसपछि १३ कात्तिकमा नेपालले भारतसँग एक अनअफिसियल मैत्रीपूर्ण खेल पनि खेल्नेछ ।
फिफा वरियतामा भारत ६३औं, इरान ७०औं र नेपाल ८९औं स्थानमा रहेका छन् ।
एन्फाले खेलका लागि नेपालको अन्तिम टोली घोषणा गरिसकेको छ । यसपटक टोलीमा २ जना नयाँ खेलाडीले पहिलोपटक स्थान पाएका छन् भने ३ जना खेलाडीले पुनरागमन गरेका छन् ।
🔹 खेल तालिका:
इरान बनाम भारत : कात्तिक ४ गते (साँझ सवा ६ बजे)
इरान बनाम नेपाल : कात्तिक ७ गते (साँझ सवा ६ बजे)
भारत बनाम नेपाल : कात्तिक १० गते (साँझ सवा ६ बजे)
