एएफसी यू-२० महिला एसियन कप छनोटका लागि नेपालले घोषणा गर्याे अन्तिम टोली
कपिलवस्तु, साउन ११ – आगामी अगस्ट ६ देखि ११ तारिखसम्म भुटानमा आयोजना हुने एएफसी यू-२० महिला एसियन कप छनोट प्रतियोगिताका लागि नेपाली राष्ट्रिय महिला यू-२० टोलीको अन्तिम सूची सार्वजनिक गरिएको छ।
मुख्य प्रशिक्षक याम प्रसाद गुरुङले टोलीको घोषणा गर्दै २३ खेलाडी समेटिएको टोली सार्वजनिक गरेका हुन्। नेपाल रहेको समूह ‘ए’ मा डीपीआर कोरिया, साउदी अरेबिया र आयोजक भुटान रहेका छन्।
हालै सम्पन्न साफ यू-२० च्याम्पियनसिप खेल्ने टोलीबाट एक मात्र परिवर्तन गरिएको छ। झुमा विकको स्थानमा सजिना स्याङ्तान नयाँ अनुहारको रूपमा टोलीमा परेकी छन्।
🔴 नेपाल यू-२० महिला टिमको अन्तिम सूची:
🧤 गोलकिपर:
लिला जोशी
करुण बुढाथोकी
सुजाता तामाङ
🛡️ डिफेन्डर:
सरिता कुमारी नाथ
माया मास्के
सेमिहाङ्मा लिम्बु पन्धाक
सिम्रन राई
सजिना स्याङ्तान
गंगा रोकाया
अनिशा राई
सीता रोकाया
⚙️ मिडफिल्डर:
कविता गुरुङ
सुसिला केसी
अस्मिता गुरुङ
बिर्सना चौधरी (कप्तान)
सेनु परियार
⚔️ फर्वार्ड:
कुसुम खतिवडा
सुक्रिया मिया
मनिषा सेन
वर्षा ओली
पूर्णिमा राई
मीना देउवा
समीक्ष्या मगर
नेपालले आफ्नो पहिलो खेल अगस्ट ६ मा खेल्नेछ। प्रशिक्षक गुरुङले टोलीमा युवा र अनुभवी खेलाडीको राम्रो मिश्रण रहेको जनाउँदै आत्मविश्वासका साथ भुटान प्रस्थान गर्ने बताए।
